Bag bacio

Felly dim ond 'thefnos i fynd nes y byddwn ni'n hedfan i Rio (cyn belled nad ydi BA yn mynd ar streic!). Wedi trio pacio 'mag - mae gena i ormod o bethe. Dwi 'di rhwygo'r holl dudalenau amherthnasol o'r guide book i'w neud yn ysgafnach a thorri coes fy mrwsh dannedd i'w neud o'n llai, ond dwi ddim yn meddwl fydd hynny'n ddigon, rhywusut...

Wedi bod yn mynd i wersi Sbaeneg ers chydig wythnose, ond ma Sbaeneg De America yn reit wahanol medde nhw, a lot o eiriau Sbaeneg yn golygu pethe rude iawn yn DA. Rhaid cofio peidio deud y mod i'n coger el avion.

Pethe dwi'n edrych ymlaen atyn nhw:
* Y traeth yn Rio.
* Iguazu Falls.
* Gwin coch a stêcs rhad.
* Paned o de yn Patagonia.
* Dysgu Castellano.
* Machu Picchu.
* Llyn Nicaragua a'r llosgfynyddoedd.
* Dreifio i fyny arfordir California.

Pethe dwi ddim yn edrych ymlaen atynhw:
* Dim showers poeth,na gwely call.
* Cario'r backpack trwm.
* Dim marmite na te.
* Dim slipars na soffa.
* Colli penblwyddi Mam, a Grisial a Seren (sori!!).
* Bysus anghyffyrddus.
* Diorrea a mosquitoes.
* Tywydd rhy oer, a tywydd rhy boeth.
* Defnyddio fy mrwsh danedd heb handlen, a ffeindio bo fi angen y tudalenau nesh i eu torri allan o'r guide book i'w neud yn ysgafnach...

Dwi newydd sylwi fod fy ail list yn hirach na'r un cyntaf. 'Falle se'n well i mi beidio mynd?

JÔC!!

Hasta Luego.